I hope that I will not be ignored on LCI for being ignorant. I am a Desi pure Kisaan, not like Bachchan and many political leaders.
Jabse jawaan huwa khud apnaa khet jotata hun aur apne khet kaa anaaj khaataa hun. Tarkaari (Sabji) roj nahin kha sakta kyonki ise apne khet men saal ke kuchh hi mahine ugaa saktaa hun.
AAp bade padhe likhon ke bich main baat karne layak nahin hu, lekin yah sochkar aa gaya ki bhojan aap bhi karte hi hain aur anaaj hi jada khate hain. kitnaa bhi padhenge , anaaj hi khayenge! kitnaa bhi kamayenge anaaj bina nahin rah payenge, aapkaa apna helicopter hoga to bhii jada samay dharti maataa ke god men hi rahenge aur mitti men paida hone wala anaaj hi hayenge!
Isliye bade bade bidwan log aap meri bhaasha par dhyaan na dijiye aur mukhe hal jotkar aapko anaaj khilane wala samjhkar maaf dijiyega!!!
Namste , jaa raha hun gehu bone, shaam ko fir aaungaa . Tab tak aap log apni baithak men meri sadasyata ke baare men bichaar kar lijiye. Meri binati hai aur ummid hai ki aap log mujhe thukrayenge nahi!!!
Ye bhi soch lijiye, agar mujhe thukraaye to khayenge kya...??? Ek kahawat hai - raja hobe khaabe ka ....pe.har ???
Ha, aap log ye jaroor bataiye ki aap logo ke ilaake men kya boya ja raha hai, taki, internet padhne waale sabhi bhai jaan sake ki hindustaan me aur baki des duniya me bhi is samay kaha kis fasal ki buwai ho rahi hai !!
Ram Ram !!!
